పాము - The Snake

పాము - The Snake: Socio Crime Thriller @Google Play Books

https://play.google.com/store/books/details?id=ukHCEQAAQBAJ

“రక్తం.... రక్తం.... రక్తం ధారలు కనిపిస్తోంది నాకు. నా పుట్ట వున్న గుట్ట మొదట్లో రక్తం కాలువలు కడుతున్నట్లు అనిపిస్తోంది. రండి రోయ్ రండి... అందరూ రండి... త్వరగా రండి. ఆ లలితమ్మ ఎక్కడ వున్నదో చూసి వెంటనే నా దగ్గిరికి తీసుకురండి” ఉన్నట్లుండి లేచి నిలబడుతూ గొంతు చినిగిపోయే శృతిలో కేకలుపెట్టడం మొదలుపెట్టింది గణాచారి.

ఊరి మధ్యలో ఉన్న సంతాన వేణుగోపాలస్వామి ఆలయం ఎదుట పెద్ద పందిరి వేసి, హరికథలు చెప్పిస్తున్నారు గ్రామ పెద్దలు. రాత్రి ఎనిమిదింటికి మొదలు అయింది ఆ రోజు కథ... సుభద్రా పరిణయంలో అర్జునుడు సుభద్రను తీసుకుని ద్వారకా నగరంలో నుంచి పారిపోయి వచ్చే ఘట్టాన్ని రమ్యంగా చెపుతున్నాడు హరికథలు చెప్పటాన్ని నేర్చుకొచ్చిన ఆలయ పూజారి మనవడు.

“దీనిదుంపతెగ... కురుక్షేత్ర యుద్ధం కథ చెప్పేటప్పుడు నెత్తురు కనిపిస్తోందని కేకలు పెట్టటంలో అర్థం వుంటుంది. సుభద్రా కల్యాణంలో నెత్తురు నెత్తురంటూ లేచి నిలబడింది. దీనికి పట్టింది పూనకం కాదు. పిచ్చి... ఇది పూనకాల పిచ్చే. సందేహంలేదు” సన్నటి కంఠంతో తన పక్కన వున్న పెద్దాయనతో అన్నాడు ఒక పౌరుడు.

“ఎవడ్రా? ఎవడ్రా నన్ను వెక్కిరిస్తోంది? ఎవడ్రా అది?” కళ్ళను పెద్దవిచేసి కోరగా చూస్తూ చెవులు చిల్లులుపడే స్థాయిలో అతి బిగ్గరగా అరిచింది గణాచారి.

చటుక్కున నోటిని మూసుకుని తలక్రిందికి వంచేసుకున్నాడు ఆ పౌరుడు. పక్కనవున్న పెద్దాయన వెక్కిరింపుగా నవ్వినా ఏమాత్రం పట్టించుకోలేదు.

“లలితమ్మ... లలితమ్మను పిలవండిరా అంటే మూగ మొద్దుల మాదిరి అలా నిలబడి పోతారేమిటిరా? పిలవండిరా... వెంటనే నా దగ్గిరికి రమ్మని చెప్పండి” జుట్టు విరబోసుకుని తాచు పాము ఊగినట్లుగా ముందుకీ వెనక్కీ ఊగుతూ రెట్టించి అరిచింది గణాచారి.

మధుబాబు గారి పుస్తకాల సిరీస్ లింక్స్:

షాడో పెద్ద పుస్తకాలు: https://play.google.com/store/books/series?id=V5N7HAAAABAtjM

సోషియో క్రైమ్ థ్రిల్లర్స్: https://play.google.com/store/books/series?id=xgqYHAAAABBfFM

ఫోక్లోర్: https://play.google.com/store/books/series?id=9O56HAAAABCP8M

వాత్సవ శ్యాంసుందర్: https://play.google.com/store/books/series?id=opN7HAAAABDYjM

పాకెట్ బుక్స్: https://play.google.com/store/books/series?id=PAyYHAAAABClEM

#pdf #download #online #digitalbook #ebook #googlebooks #googleplaybooks

Detective Crime Fantasy Adventure 'నిశ్శబ్దనాదం'

 

త్వరలో..

మధుబాబు గారి, 'శ్యామ్ సుందర్ - వాత్సవ' Detective Crime Fantasy Adventure 'నిశ్శబ్దనాదం' - 31-01-2026 నుంచి ప్రారంభం..

మనిషి ఎదురుగా కనిపించకుండా మాటలు వినబడటం డెఫినిట్గా మెదడుకు ఏదో వ్యాధి సోకిందని చెప్పే సూచనే.

చూస్తూ కూర్చుంటే అది మరింత అధికమై, తనెవరో ఏం చేస్తున్నాడో ఎటు పోతున్నాడో కూడా తెలుసుకోలేని పరిస్థితి ఏర్పడవచ్చు.

వెంటనే కదలాలి తను. అక్కడినించి బయటపడి అర్జంటుగా తనకు తగిలిన గాయాలకు సరైన చికిత్సను చేయించుకోవాలి.

బండరాయిని గట్టిగా పట్టుకుని శిలావిగ్రహంలా నిలబడి వున్న శ్యామ్ సుందర్ పరిస్థితి తనకు తెలిసిపోయినట్లు మరింత గంభీరంగా వినవచ్చింది ఆ కంఠం.

“ఇప్పుడు నువ్వు సరైన ఆలోచన చేస్తున్నావు. ఇందాకటి నించీ నీకు నేను చెపుతున్న మాటల్నే తిరిగి నువ్వు మననం చేసుకుంటున్నావు. ముందు ఆ బండను వదిలి నడక మొదలుపెట్టు... నడువ్... త్వరగా...”

ఆ కంఠం ఎవరిదో, ఎక్కడినించి వినవస్తోందో తెలుసుకోవాలన్న కోరికను పూర్తిగా వదిలేశాడు శ్యామసుందర్. బండను వదిలి రెండు అడుగులు ముందుకు వేశాడు.

మూడో అడుగు వేయబోతుండగా, చిన్నగా కదిలింది ఇసుకలో నిస్త్రాణంగా పడి వున్న మేకపిల్ల. లేచి నిలబడేందుకు అవసరమైన ఓపిక నశించిపోవటం వల్ల, తలను మాత్రం కొంచెంగా పైకెత్తి చిన్నగా అరిచింది.

అసలేం జరిగింది? మనస్సులో మాటల్ని కూడా గ్రహించి మాట్లాడుతున్న ఆ కంఠం ఎవరిది!

స్వాతి సపరివారపత్రిక - 'వసంతోత్సవం' లో ఓ సన్నివేశం.. మధుబాబు A scene from Madhu Babu's 'Vasantotsavam' in Swathi Weekly

స్వాతి సపరివారపత్రిక - 'వసంతోత్సవం' లో ఓ సన్నివేశం.. మధుబాబు

రేవంతుడు తిరిగి వచ్చేంత వరకు ఏదో ఒక కాలక్షేపం ఏర్పాటు చేసుకోవాలని నిర్ణయించుకున్నాడు భార్గవుడు. కోపం వస్తే ఆ కోడె దూడ ఏం చేస్తుందో ఎలా ప్రవర్తిస్తుందో తెలుసు కాబట్టి తడబాటు లేకుండా కదిలాడు.

"నీకు చేతనైతే నన్ను క్రిందికి నెట్టు... నీ పాదాలతో నన్ను తీవ్రంగా గాయపరచవచ్చు" అంటూ ఒక అడుగు అవతలికి జరిగాడు. అతన్ని పొడిచి వెల్లకిలా పడవేయాలని అనుకున్న ఆ దూడకి అసాధ్యం అయిపోయింది అతడిని పొడవడం... మరింత పెద్దగా బుస కొడుతూ గిరుక్కున అతని కేసి తిరిగింది. ఇంకో అడుగు అవతలికి వేసి అరచేత్తో దాని వెన్నుమీద అలవోకగా తట్టాడు భార్గవుడు. అవమానం అధికం అయిపోయింది దూడకి. ఆగ్రహం రెండింతలు పెరిగిపోయింది. గిట్టలతో నేలను దువ్వుతూ ఇంకోసారి అతని మీదకి దుమికింది. నవ్వుతూ మళ్లీ తప్పించుకున్నాడు భార్గవుడు. వెంట్రుకవాసి దూరంలో నుంచి పోయి ముందుకు తూలింది దూడ.

జొన్నల్ని శుభ్రంగా దంచి చిక్కటి జావను తయారు చేసింది రేవంతుడి భార్య... నంజుకునేందుకు రుచికరమైన ఊరగాయ ముక్కల్ని పెట్టి ఇంటి వెలుపలికి వచ్చింది భార్గవుడికి ఇవ్వటానికి. ఇంటి ఎదుట కనిపించిన దృశ్యం ఆమెను ఆశ్చర్య చకితురాలిని చేసేసింది. 

క్షణక్షణానికి అధికం అయిపోతున్న కోపంతో రాక్షసి మాదిరి రోజుతోంది దూడ. భార్గవుడి అంతు చూసి తీరాలన్న పట్టుదలతో గంతులు వేస్తోంది. దూరంగా పారిపోవటం లేదు భార్గవుడు. ఆ దూడకు బెత్తెడు దూరంలోనే కదులుతున్నాడు. దాని తలకు గాని పాదాలకు గాని అందటం లేదు.

కర్ర సాము చేస్తున్నప్పుడు నృత్యం చేస్తున్నట్టు కనిపించిన అతని పాదాలు ఇప్పుడు కూడా అదే మాదిరి లయబద్ధంగా కదులుతున్నాయి. పావు ఘడియ, అర్థ ఘడియ గడిచిపోయిన తర్వాత కూడా భార్గవుడిని పడగొట్టలేకపోయింది కోడెదూడ...

కనీసం అతన్ని తాకను కూడా తాకలేకపోయింది అది. ఎంత వేగంగా కదులుతుందో అంతకు రెట్టింపు వేగంతో అవతలికి వెళ్ళిపోతున్నాడు అతను. అరచేత్తో దాని వెన్ను మీద తట్టి దాన్ని మరింతగా రెచ్చగొడుతున్నాడు.

అలుపు వచ్చేసింది దూడకి. అణిగిపోయింది దాని ఆగ్రహం. ఆఖరి సారిగా ఒక చిన్న బుస కొట్టి పాకలోకి పారిపోయింది. అరుగు మీద రేవంతుడి సతీమణిని గమనించి చిన్నగా నవ్వాడు భార్గవుడు.

"కోపం ఎక్కువైపోవడం వల్ల దానికి ఆలోచన లోపించింది. గంతులు వేయకుండా ఒక్క క్షణం పాటు కుదురుగా నిలబడి తలను విసిరితే నేను దొరికిపోయి ఉండేవాడిని" అన్నాడు.

Actual Post by Voice of Maheedhar